Minningarathöfn.

Talaði við gamlan skólabróður í gær, herra Viggó Jörgens.

Ekki veit ég á hvaða vítamíni sá gaur er, en ætla mér að komast að því. Þessi maður, hefur eitthvað súperman minni og það er ekki eðlilegt!

Símtalið okkar var eitthvað á þessa leið:

Viggó: Carola, blessuð...hvað segirðu?

Ég: allt fínt bara...(og var að reyna að muna hvernig Viggó leit út)

Viggó: rosalega hlakka ég til að hitta alla aftur, mannstu þegar við vorum hjá Óla Skúla og hann var alltaf að skamma þig?

Ég: eh ????

Viggó: já, manstu ekki...það var nánast í hverjum tíma sem hann gólaði á þig : Carola, viltu taka út úr þér tyggjóið!!!

Ég: ??!!!!!

Viggó: já, þú varst með tyggjó í hverjum einasta tíma..... og það var ekki fyrr en í seinasta tímanum sem hann var góður við þig og sagði: fallega Carola.....

Ég: fallega Carola ????

Viggó: já, manstu ekki ?

Ég: nei!!!

Viggó: Það var af því að þið ætluðuð að gefa blómin!

Ég: blómin????!!!!!....hvaða blóm???

Viggó: (greinilega orðin pirraður)  .....Carola, blómin á altarið !

Ég:Á altarið???

Viggó: Já fyrir ferminguna!

Ég:  ó....já...eitthvað rámar mig í það (var að ljúga, man ekkert eftir þessu, man varla eftir að hafa fermst)

Viggó: svo man ég svo eftir því, þegar þú stóðst upp og sagðir yfir allt....... mér er andsk...sama hvort þu fermir mig eða ekki, ég fermi mig bara sjálf!

Ég: Guð minn góður!

Viggó: já og manstu þegar hann var að segja okkur frá spítunni?...þessari sem var of litil fyrir gluggann?

Ég: (vandræðaleg) hahahaha....já...(aftur að ljúga)

Viggó: svo gleymi ég aldrei á meðan ég lifi, þegar við kveiktum í sokkunum og hentum þeim inn um gluggann,...(svo hló hann tryllingslega)  Bwahahahah...... djö... var það fyndið.

Ég: Viggó, ertu ekki að ljúga að mér? við getum ekki hafa gert svona hluti , þetta er ekkert líkt mér!

Viggó: bíddu.. er þetta ekki Carola sem var í 3-U ?

Ég: jú !

Viggó: já!

-Þögn-

Ég: jæja, hvað er annars að frétta ?

Viggó: bara allt fínt.

Ég: heyrðu, hlakka til að sjá þig 5 mai.

Viggó: já, sömuleiðis !

 Ég: bless.

Viggó: bless.

 

Ég sting upp á því að Viggó verði með minningarathöfn þann 5 mai, fyrir þá sem ekkert muna , í leðursófa horninu milli kl 22 og 23 .

Carola.

Athugasemdir

[Ingibjörg Margrét , 26.4.2007 kl. 22:55]

Mikið er gott að einhver man eitthvað frá þessum tíma - ekki finnst mér ég muna neitt en í sameiningu rifjast sennilega ýmislegt upp þann 5. maí - gaman gaman

[Magnús Bergsson, 5.5.2007 kl. 15:40]

Það er nokkuð ljóst að þetta er ekki Viggó Viðutan. Ég man lítið annað en þegar ég var á harðahlaupum út í hverfin í nágrenni skólans með einhvern brálæðing á hælunum mér. Ég hafði ekkert gaman af því þá en sé það nú að ég fékk þarna ágætis líkamsþjálfum sem ég bý að enn í dag.