Gestabók

Skrifa í Gestabók

  • Skráðir notendur gefi upp notandanafn og lykilorð efst á síðunni og skrifi svo færslu í reitinn hér að neðan. Gestabókarfærslan birtist strax.
  • Óskráðir notendur geta einnig skrifað færslu. Athugasemdir þeirra birtast strax og ekki þarf að staðfesta uppgefið netfang.

Gestir:

35 ára hittingur

ótrúlegt en satt vá hvað tíminn er fljótur að líða. Sæunn 3-u

Sæunn Eiríksdóttir (Óskráður, IP-tala skráð), lau. 11. feb. 2012

Tek undir

Ég tek undir með honum Viggó þetta var sko flash-back. Það eru ekki til lýsingarorð yfir það hvað þetta var skemmtilegt, svo ég segi OMG ÞETTA VAR EKKI LEIÐINLEGT. Kveðja Ásrún p.s Carola ég segi líka OJ!!

Ásrún Hauks. (Óskráður, IP-tala skráð), mið. 9. maí 2007

Æði

30 ára flash-back og ekkert hafði breyst. Eldri en sömu persónurnar, rétt eins og við værum að hittast eftir sumarfrí. Minnti að bekkurinn minn hefði verið frábær og fékk það staðfest. Eins og forðum með Sæla sem skemmtanastjóra bekkjarins varð þetta snilldarkvöld. Viggó Jörgens.

Viggó Jörgensson (Óskráður, IP-tala skráð), sun. 6. maí 2007

Þið eruð frábær !!!

Mikið er gaman að tilheyra svona skemmtilegum hópi eins og þið eruð kæru skólafélagar. Ég hitti hópinn síðast 1987 - mér finnst nú fólk frekar yngjast en eldast. Eydís, 3-X

Eydís K. Sveinbjarnardóttir (Óskráður, IP-tala skráð), sun. 6. maí 2007

Þvílík skemmtun !!!

Segi það með þér Lalli, djö.... var ofboðslega gaman. Verst hvað þetta líður hratt. Höfum þetta heila helgi næst !

Carola (Óskráður, IP-tala skráð), sun. 6. maí 2007

Frábær skemmtun!!!

Jæja nývaknaður, vaknaði brosandi og sofnaði brosandi. Mikið ofboðslega var gaman að hitta alla gömlu góðu vinina. Hvernig er hægt að sleppa því að mæta á svona skemmtun.

Lárus H. Lárusson (Óskráður, IP-tala skráð), sun. 6. maí 2007

Mæti ef ég man......

Guddý hringdi áðan og lét mig borga, hverju ég hef gleymt dag eftir dag. Ég var ekki viss hvort tanngómarnir mínir yrðu komnir úr viðgerð í tæka tíð, en það blessast allt saman. Annars er ég ern þó ég sé fæddur eftir miðja síðustu öld, með þokkalegar hægðir sem er aðalatriðið á þessum aldri. Auðvitað hefur brjóstkassinn sígið niður á magann, maður er orðinn rass og vampsíður. Eins og aðrir sem ná háum aldri man ég best eftir mér ungum en ekkert sem gerðist í gær hvað þá í síðustu viku. Held þó að Caróla hafi hringt. Ég man hins vegar vel eftir vistinni í Breiðagerðisskóla og Rettó. Öllum sem lömdu mig og lögðu í einelti. Bara af því að ég var lítill feitur og málhaltur. Út af þessum smávægilega athyglisbresti og að ég gat aldrei þagað í tímum, voru kennararnir líka vondir við mig. Einar Guðmunds lét mig sitja í dyrunum í stað þess að reka mig út, af því að við Arnaldur gátum ekki þagað nokkra stund. Eða öskrandi Gandí af því að við máttum ekki spjalla á meðan við teiknuðum einhverja helv. brennisóley. Við Caróla áttum líka í basli með Óla Skúla hann ætlaði að neita að ferma okkur. Við rétt sluppum við að brenna í logum helvítis. Hún með því að gefa blóm í kirkjuna en ég með því að sleppa handboltaæfingum og mæta loksins í messu. Verra var það samt í Breiðagerðisskóla þar sem Gunnar skólastjóri sagði að í mínum bekk væru vestu bölvaðir bandítar sem hann hafði nokkru sinni kynnst, og þó hafði hann verið þar frá því fyrir spænsku veiki. Við fengum ekki að fara út í frímínútur, allt úr af smávægilegum yfirsjónum sem hann kallaði ribbaldahátt. Humm nú kemur einhver góð kona með heitu mjólkina og lyfin mín og segir að ég eigi að fara að sofa. Framhald þegar ég hitti ykkur ef ég man...... Viggó Jörgens deild 18

Viggó Jörgensson (Óskráður, IP-tala skráð), þri. 1. maí 2007

Nú líður að tíðum....

Já nú líður aldeilis að því að við lítum hvort annað augum, við hálffimmtuga gengið úr Réttó. Viss um að við eigum eftir að þekkja hvort annað þrátt fyrir nokkrar broshrukkur og þroskadrætti í andlitum. Ekki málið! Svo er bara að drífa sig að greiða inn á reikininn og telja svo niður fram á laugardag. Hlakka til að hitta ykkur öll!!!

Birna Birgisdóttir (Óskráður, IP-tala skráð), sun. 29. apr. 2007

Ingibjörg Margrét

Já, þetta er ótrúlegt...

... og ýmislegt á sennilega eftir að rifjast upp. Og jú Sigrún allir fá miða í barminn og verða kirfilega merktir - maður verður bara að passa upp á að hafa meðferðis gleraugun svo það verði ekki eins áberandi þegar maður fer að rýna ofan í bringuna á mannskapnum. "ÓÓÓ, gaman að sjá þig.....(rýna).... Sigrún (nú eða Kiddý, Rúna, Stína...)"

Ingibjörg Margrét , fim. 26. apr. 2007

ótrúlegt

Hæ öll ! Vá 30 ár ! Hugsaði fyrst, getur þetta verið? Trúði þessu ekki. Ég sem er enn svo ung. Þið kannsist eflaust við þessa tilfinningu. Svo hef ég verið að skoða myndirnar og er að komast niður á jörðina. Líklega er þetta rétt. Mig hlakkar ótrúlega til að hitta ykkkur aftur. Óttast bara að ég þekki ykkur ekki aftur. Verðum við ekki örugglega merkt með nafni og kannski bekk. Sjáumst hress, Sigrún Björk

Sigrún Björk Benediktsdóttir (Óskráður, IP-tala skráð), fim. 26. apr. 2007

Og enn meiri myndir

Vek athygli ykkar á fleiri bekkjamyndum úr Breiðagerðisskóla sem hann Siggi Sig sendi inn.

Ingibjörg M. Gunnlaugsdóttir (Óskráður), sun. 22. apr. 2007

Til Hilmu:

Hilma mín, þér er auðvitað frjálst að bjóða þínum ektamaka með þér ef hann langar til að koma. Bentu honum samt endilega á að myndirnar af flottu strákunum eru þrjátíu ára gamlar og nokkrar líkur á að einhverjir séu farnir að láta á sjá ;) Kveðja Ingibjörg

Ingibjörg M. Gunnlaugsdóttir (Óskráður), sun. 22. apr. 2007

Bara gaman

er búin að vera í kasti yfir þessum frábæru myndum hlakka til að hitta ykkur öll p.s.manninum mínum langar að koma með má það nokkuð ?ég held að honum finnist strákarnir of flottir smá grín

Hilma Ösp Baldursdóttir (Óskráður), lau. 21. apr. 2007

Frábært...

...bæði þetta dásamlega myndband hans Stefáns og saga að hætti Carolu komið inn. Það er greinilega nauðsynlegt að líta hér við daglega. Takk Stefán og Carola.

Ingibjörg M. Gunnlaugsdóttir (Óskráður), þri. 17. apr. 2007

Myndbandið bara snilld

http://stefanepli.blog.is/img/flvplayer.swf?file=http://stefanepli.blog.is/users/0d/stefanepli/videos/1100-9997.flv&autostart=true&fs=true

Kalli Mar (Óskráður), þri. 17. apr. 2007

Mæti örugglega.

ÉG mæti og hlakka til að hitta alla gömlu félagana aftur. óskráður (Kristín E. Sigurðardóttir) skrifaði:2007-04-13

Kristín E. Sigurðardóttir (Óskráður), fös. 13. apr. 2007

Myndir frá þessum tíma.

Ég setti nokkrar myndir frá þessum tíma inn á vefsíðu, þar á meðal bekkjarmyndir. Ég man nú ekki í hvaða bekk ég var en það kannski rifjast upp síðar. Slóðin er: http://picasaweb.google.com/thor.olafsson Þór Ólafsson

Þór Ólafsson (Óskráður), fös. 13. apr. 2007

Hlakka til

Hvað er í gangi ég er farin að halda að þið séuð eitthvað eldri en ég , þetta getur ekki verið !!! Ég hlakka nú samt til að sjá ykkur aftur. Ásta Lára 3 U

Ásta Lára Sigurðardóttir (Óskráður), mið. 11. apr. 2007

Stefán Petersen

Réttó myndband

Ég fór að skoða gamlar myndir og fann myndband sem ég tók í skólaferðalagi 1975,þar sem ég get ekki sett myndbandið á þess síðu setti ég það á bloggsíðuna mína sem ég var að stofna"stefanepli.blogg.is"þeir sem hafa áhuga geta skoðað hana. kveðja :Stefán Emilsson ( Stefán E. Petersen)

Stefán Petersen, þri. 10. apr. 2007

Þetta var nú ekki svo lengi að líða

Frábært að sjá myndirnar, vonandi verða fleiri settar inná síðuna.Mér fannst við aldrei "svona ung" á þessum árum. Hlakka mikið til að sjá ykkur öll aftur. Bestu kveðjur. Sigga Stefáns

Sigríður Stefánsdóttir (Óskráður), þri. 10. apr. 2007

Summa minninganna

Búin að hugleiða nokkuð hvort ég eigi að mæta %u2013 velt fyrir mér hvað ég eigi svo sem sameiginlegt með fólki sem ég slysaðist til að vera með í sama árgangi í skóla %u2013 (eða það mér). En bréfið frá nefndinni fékk mig til að hugsa. Hvaða minningar á ég úr skólanum? Hef reyndar ekki hugleitt það í mörg ár. En í tilefni bloggsins er ekki úr vegi að grafa niður á sjóðinn. Tína minningarbrotin fram úr geymslunni. hvar að byrja? Endalaus skólamót í handbolta sem mér leiddust %u2013 en gat þó haft metnað fyrir hönd míns bekkjar. Ps var og er enn hrædd við bolta á ferð sem stefna á mig. Vel útbúin teiknistofa og teiknikennarar sem sumir áttu til að taka fram fyrir hendurnar á okkur og betrumbæta myndir, - eðlisfræði þar sem gerðar voru tilraunir sem sumar kalla enn fram hugtök en fór annars að mestu ofan garðs og neðan hjá mér, - matreiðsla sem mér fannst stundum skemmtileg sérstaklega að hafa lært hugtak eins og að steinka þvott, man einhver eftir ráðleggingum til verðandi tímalausra húsmæðra um að steinka þvottinn og skella honum svo í frystinn? Eða í hvaða röð átti að þvo leirtauið? Smíði, hnýtingar og leðurvinna sem mér líkaði við og áttu hug minn. Hekl, prjón og útsaumur sem fór ofangarðs og neðan hjá mér, hrósa mér enn fyrir algjört kunnáttuleysi í framangreindu. Leikhúsferðir í Þjóðleikhúsið, man enn eftir Kaupmanninum frá Feneyjum %u2013 Skemmtileg skólaskák í Bústaðabókasafninu. Ótrúlegum spurningum í samræmdu prófunum. Man einhver hvaða vindátt var ríkjandi þegar Leifur heppni sigldi vestur um haf? Tímum í grasafræði og seinna vistfræði sem ég bý enn að. Vissuð Hræðilegri framkomu bekkjarins við forfallakennara í dönsku %u2013 kveðjuorðum umsjónarkennara fyrsta bekkjar (kristinfræðikennaranum Ingólfi frá Prestbakka) %u2013 sem sagði okkur að það hefði verið gaman að kenna okkur en hann vildi helst ekki gera það aftur. Gylliboðum séra Ólafs um pylsupartý til að hvetja okkur til að mæta í messur við fermingarundirbúninginn. Tímum í leikrænni tjáningu %u2013 þar sem við lærðum ýmsa tungubrjóta. Göngu í miðbænum sem Imba hin eina sanna skipulagði(alla vega í minni minningu) til að mótmæla samræmdu prófunum. Imba það er morgunljóst að þarna var lögð drög að veru þinni í skipulagsnefndinni ævilangt.**). Mjólkurbúðin, súkkulaðisnúðar og kókómjólk. Ef einhver hefur nennt að lesa hingað niður er ljóst að þetta er hópur sem ég deili með bæði minningum og reynslu sem eiga þátt í að móta hver ég er. Annars skal játast að ég upplifði mig mest sem einfara og veggjamús, svona eins og kannski ótal margir aðrir. Með kveðju, Kristín Dýrfjörð

Kristín Dýrfjörð (Óskráður), sun. 8. apr. 2007

HJÁLP!!!!!!

Sko.... ég fékk bekkjamyndina af 3-U lánaða hjá Gúddý fyrir 10 árum og finn hana ekki. Búin að snúa heimilinu við, sit hér í miðri hrúgu af brotnum páskaeggjum deprimeruð og útgrátin yfir því að finna ekki myndina. Plís... ef einhver þarna úti á mynd af 3-U, vill sá hin sami vera svo vænn að senda hana til Imbu svo hún..þ.e myndin en ekki Imba, geti birst í allri sinni dýrð, hér á þessari síðu. Verð að redda þessu fljótt, þið vitið ekki hvað Gúddý var ógeðslega reið þegar hún sagði: Carola, 3-U var langflottasti bekkurinn með langflottasta fólkinu og fáránlegt ef myndin birtist ekki á þessari síðu.... VILTU FINNA MYNDINA!!!! Svo ég spyr aftur: á einhver mynd af 3-U...anyone..anyone?????? Kv. Carola 3-U

Carola (Óskráður), sun. 8. apr. 2007

Bara gaman !!!!

Missti af þessu síðast hlakka til að sjá ykkur.Það væri flott ef það væri hægt að setja nöfnin inn á bekkjarmyndirnar.Ótrúlegt hvað maður sér samt hver er hvað. Kveðja Signý

Signý Guðmundsdóttir (Óskráður), mið. 4. apr. 2007

Eins og í draumi...

Sæl kæru skólafélagar úr Rettó. Já það er staðreynd að mörg okkar hafa ekki sést í heila þrjá áratugi! Nú getum við aldeilis bætt úr því og fjölmennt þann 5.maí n.k. Eins og í draumnum sem mig dreymdi um daginn....já þar vorum við Rétthyltingar mætt í tugatali og það var bara stuð! Ég trúi að þannig verði það í raun þegar okkar skemmtilegi árgangur hittist á ný. Hlakka til! Kveðja Birna Birgisd.

Birna Birgisdóttir (Óskráður), mán. 2. apr. 2007

Oh my god (er ekki verið að grínast)

Mæti örugglega ef ég fæ Rúnu með mér. Imba það var gaman að hitta þig í sumar. Kv Kiddý (Ottesen)

Kristín Ottesen (Óskráður), mið. 28. mars 2007

Magnús Bergsson

Það er ekkert annað....30 ár

Ég mæti 5. maí og fæ mér smá "flashback"

Magnús Bergsson, mán. 26. mars 2007

Spegillinn hennar Ásrúnar

Get ég fengið að spegla mig hjá þér, Ásrún mín, minn sýnir alltof mörg ellimerki :) kv. Imba

Ingibjörg M. Gunnlaugsdóttir (Óskráður), lau. 24. mars 2007

hæhæ

Í speglinum heima hjá mér sé ég engar hrukkur, það geta ekki verið svona mörg ár liðin frá Réttó. kv Ásrún Hauks

Ásrún Hauks. (Óskráður), lau. 24. mars 2007

Hæ

Ja hérna, 30 ár - ég fékk bréf og ýmislegt fór að rifjast upp. Ég hlakka til að sjá ykkur eftir alla þessa áratugi.

Sæli (Óskráður), fös. 23. mars 2007

Hlakka rosalega til

Alveg frábært hvað árgangurinn er duglegur að hittast á útskriftarafmælum. Er oft upp í skóla (elsti sonur minn er í Réttó) og skemmti mér mikið að skoða bekkjarmyndirnar sem hanga á veggjum skólans hehehehe. Mikið vorum við öll sæt og saklaus. Kristín Ingva

Kristín Ingvadóttir (Óskráður), fös. 23. mars 2007

Hlakka rosalega til

Alveg frábært hvað árgangurinn er duglegur að hittast á útskriftarafmælum. Er oft upp í skóla (elsti sonur minn er í Réttó) og skemmti mér mikið að skoða bekkjarmyndirnar sem hanga á veggjum skólans hehehehe. Mikið vorum við öll sæt og saklaus. Kristín Ingva

Kristín Ingvadóttir (Óskráður), fös. 23. mars 2007

Gaman gaman

Jæja þá er komið að því eina ferðina enn, hlakka bara til og vonast til að sjá sem flesta úr þessum frábæra árgang sem seint verður toppaður. enda bara samansafn af skemmtilegu og hressu fólki. Kv. Kalli Mar.....

Karl Marinósson (Óskráður), sun. 11. mars 2007

Addi Hné

Eru ekki allir í stuði? og veit einhver hvort Bubbi ætlar að koma?

addi (Óskráður), fös. 9. mars 2007

Sæa rass

Hlakka mikið til að sjá ykkur öll,5 maí í stuði.

Sæunn Eiríksdóttir (Óskráður), fim. 8. mars 2007

Lalli Lall

Ég tek nú undir með félaga mínum og fóstbróður, Gunnari, er þetta ekki eitthvert grín. Ég man þetta eins og gerst hafi í gær. Hlakka til að sjá alla.

Lárus H. Lárusson (Óskráður), fim. 8. mars 2007

Árgangur ´61 í Réttó

Hlakka rosalega til

Ég bíð spennt eftir að hitta ykkur öll vonandi þann 5. maí. Vonandi þekkjum við hvort annað hahah. Kannski einhverjir búnir að fara í lýtaaðgerð eða eitthvað, nei ég segi svona. Sjáumst

Árgangur ´61 í Réttó, fim. 8. mars 2007

Get sko ekki beðið.......

Ég hlakka svoooooo til að sjá hvað þið eruð öll orðin ömurlega gömul og krumpin!! Af hverju??? Af því að ég lít ekki út fyrir að vera deginum eldri en 25 ára!! yeh.... eat your heart out, you old suckers!!!

Bjarnrún Stefanía Klemenzdóttir (Óskráður), mið. 7. mars 2007

Gunni Gunn

Er ekki allt í lagi ,30 ár ! Eru þið viss um að ég hafi verið í þessum árgangi ? Flott síða Imba og hlakka til að hitta ykkur sem flest þann 5.maí

Gunnar Gunnarsson (Óskráður), mið. 7. mars 2007

Gúddý

Bara gera vart við mig BÚ! En Frábær síða hjá þér Imba mín,og endilega allir að skrifa í gestabókina,hlakka til að hitta sem alla þann 05.maí.

Guðrún Hulda Birgis (Óskráður), mið. 7. mars 2007

Innskráning

Ath. Vinsamlegast kveikið á Javascript til að hefja innskráningu.

Hafðu samband